يقول سبحانه وتعالى :

إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا إِنَّ اللَّهَ كَانَ عَلِيمًا خَبِيرًا (سورة النساء 35)

الآية تحمل معاني كتيرة اوي وتقدر تفسرها زي ما انت فاهمها والاية مش بس مقتصرة علي الزاوج والمشاكل الزوجية الاية ممكن نخليها تشمل كل حاجة في حياتنا وبتعالج المشاكل المستعصية الي مالهاش حلول عندنا .. 

النيه شرط اساسي في قبول اي فعل او عمل ولقبول العمل والنجاح لازم نظبط النوايا في البداية

لو ان الزوج والزوجة عوزين يصلحو حياتهم ربنا هيصلح لهم الحياة ..

لو ان الحكمين المصلحين بين الزوجين يريدا اصلاح ربنا هيصلح بين الزوجين ..

لو انت تريد بحياتك الصلاح والاصلاح ربنا يصلح لك الحياة ..

 لو الام والاب عوزين الاصلاح لاولدهم ربنا يجعلهم صالحين ..

لو انت شريك في شغل ونيتك الصلاح ربنا يصلح لك حياتك ..

قيس علي كدة كل حاجة في الحياة ..

  كلها علي الاطلاق انت لو انت نيتك سليمة وعاوز الاصلاح ربنا يرزقك الصلاح في حياتك

 الانسان بشكل عام السمة الاساسية له هي انه يكون صالح في نفسه ومصلح لغيرة دي الفطرة الاساسية الي ربنا فطرنا عليها 

تخيلو لما نرجع للفطرة الاساسية ونحقق مراد الله من الانسان وهو الصلاح

الحكمة ان الانسان يكون عارف مراد الله منه ويبدأ يطبق الافعال دي في حياته