الاستعداد للمقابلة الشخصية “interview” بيحتاج تأهيل واستعداد خاص للنجاح فيه .
المقابلة الشخصية مهارة بتكتسبها بالعلم والتمرين عليها لان الكثير مننا بيبحث عن وظيفة مناسبة بمرتب مجزي ..
ولكن القليل بيتم قبولهم في العمل بسبب ادائهم في المقابلة الشخصية
المشاعر السلبية في وقت المقابلة بتكون سبب في فشلها “الخوف والتوتر ورهبه الموقف” كلها مشاعر بتتسبب في قلة امكانيتنا علشان كدة لازم نتخلص منها قبل المقابلة ..
هنقدم مجموعة من الخطوات والاسرار الي تساعدك علي الفوز اقتناص الفرص والحصول علي افضل وظيفة مناسبة لأمكنياتك :
1- التحضير الجيد وجمع المعلومات :
قبل الانترفيو لازم تكون محضر نفسك كويس جدااا ومحضر السيرة الذاتية بشكل يليق بيك وحضر كل الاوراق الي ممكن تحتاجها وتثبت انك مؤهل للحصول علي الوظيفة .. وحضر كل الاسئلة الي انت محتاج تسألها عن طبيعة الشغل .
اعمل بحث عن الشركة الي انت مقدم فيها وعن سياستها وعن طبيعة الموظفين ولو كان في امكانك سؤال اشخاص قدمو في الشركة دي قبل كدة
2- قلل من كلامك علي قدر المستطاع :
كل ما كان كلامك اقل كل ما كان اخطائك اقل . ما تتكلمش عن حياتك الخاصة او عن امور مش مهمة وكل ما كان كلامك في صلب الموضوع كان افضل لك .
حاول ان الامور متكونش شخصية لانه اختبار لك مش جلسة مع صديق.
3- خليك طبيعي :
تجنب التصنع او التمثيل لانه بيكتشف دة بسهوله جداا وتصنعك انك واثق في نفسك زيادة عن اللزوم بينقلب ضدك .
خليك واثق في نفسك وامكانياتك الحقيقية وخليك مبدع في اجاباتك البعد عن الاجابات التقليدية بيكون سبب في نجاحك “خطوات الوصول للابداع“
4- لا توعد وعود زائفة او فيها مبالغة :
اول لما توعد بشكل فيه مبالغة بيتم رفضك لانه بيتأكد انك مش هتقدر تنفذ ما توعد بيه فمعناه ان كل كلامك كان خطئ .
اتكلم كلام منطفي ولو سألك عن نقاط ضعفك اتكلم عنها بحقيقة من غير كذب .. في مقابلات العمل الصدق بيكون سبب في نجاها .
5- الاهتمام بالمظهر :
مهم جداا الاهتمام بالبس والشعر والاظافر والتفاصيل الصغيرة في اللبس والشكل لانها بتسيب انطباع جيد وقوي .
مهم ارداء ملابس رسمية لو مجال الشركة بيتطلب الرسمية ولكن لو الشركة مش متطلبة الرسمية البس ملابس شبه رسمية ولكن لازم تكون مهندم والاكسسوارات مش مطلوبة في المقابلة الشخصية .
اهم خطوة لتخطي الانترفيو هي “الثقة بالنفس” والايمان بقدراتك وامكانياتك الحقيقية
شارك المقال مع اصدقاءك يستفيدو منه ..