علاقة الاب ببنته تقريبا هي اهم علاقة في حياة البنت وبتأثر في حياتها كلها مش في فترة محددة من حياتها ..
تنمية قدراتها ومهاراتها وقدرتها علي ادارة حياتها والنجاح فيها بتكون مسؤولية الاب ..
ادارة المشاعر والقدرة علي التفاهم والتصالح مع نفسها ومشاعرها وعلاقاتها بالجنس الاخر بيكون الاب له دور اساسي فيها , دور الاب مينفعش نقلل منه ولانتغاضي عنه بسبب مشاغل الحياة والمسؤوليات الكتير الي بتكون علي عاتق الاب ..
تعالي نتعرف علي الاشياء الستة الي لازم تعلمها لابنتك :
1- علمها انها جميلة من الداخل والخارج :
علم بنتك ان الجمال مش مجرد جمال الشكل وان الجمال الحقيقي بيبدأ من الداخل ..
2- علمها ان المدح مهم :
المدح مهم جدا لبنتك ومهم تمدح فكرها وجمال شخصيتها وكمان مهم تمدح شكلها الخارجي لانه بيزود ثقتها بنفسها
3- علمها أن تحكم بإيجابية علي الاخرين :
الطبيعي ان الاب بيتمني ان حكم بنته يكون صحيح علي الاخرين علشان تاخد قرارات صحيحة وسليمة وتكون بتحكم عقلها مش مشاعرها فقط في التعامل مع الاخرين
4- علمها تعتمد علي نفسها :
علمها ازاي تعتمد علي نفسها وعلمها تكون قوية وتوصل للنجاح والتميز وتكون قادرة علي العناية بنفسها وبالاخرين
5- علمها انها تستحق الاحترام والتقدير :
ازرع لها فكرة انها اميرة وتستحق الاحترام اعتقد انك كأب محتاج تعامل بنتك بلطف وبحترام بدون صراخ ولا اساءة كلامية ولا جسدية واتعلم ضبط النفس مع بنتك علشان تتعلم انها فعلا اميرة ابوها
6- علمها انك بتحبها :
قول لها دائما انك بتحبها .. في كل وقت وفي اي ظروف قول لها انك بتحبها بالكلام والافعال والهدايا
لان بنتك امانة ومسؤلية كبيرة بتطلب منك مجهود خاص وبرغم انشغالاتك وكل مسؤلياتك لازم تخصص وقت خاص تقعد فيه مع بنتك تلاعبها وتلاعبها لانها تستحق منك الاهتمام والرعاية الكاملة
ادي لبنتك الثقة لمستقبلها ولحياتها وخليك سندها في الحياة وطبق كل النقاط الي فاتت
شارك المقال مع اصحبك ولك الي عندة بنت
