مواقف كتير في حياتنا بتكون صعبة وبنتعرض لضغوطات كبيرة اوقات بنقدر نتغلب عليها واوقات تانية بتكون اكبر مننا ..

مشاعر الاحباط بتيجي للأنسان لما يفشل في الي هو عاوز يحققه واوقات لما تكون طموحاتنا كبيرة لدرجة ان احنا نصاب بأحباط كبير عند تحقيقها

واهم سبب للاحباط لما يغيب الهدف وتكون حياتنا بلا معني في الوقت دة الاحباط بيكون حليف الانسان الكلام والنظريات بتكون سهله جداا ولكن التطبيق بيكون اصعب

كلام النظريات لما نكون في حالة احباط بيكون بالنسبة لنا مالهوش اي قيمة علشان كدة هنتكلم عن مجموعة من الخطوات العملية الي ممكن تخرجنا من حالات الاحباط لان زي ما اتفقنا في البداية ان الاحباط هو شعور سلبي بينتج عن سوء التوقعات .

الطريقة الاولي للتغلب علي الاحباط 

غير توقعاتك للمستقبل :

اضبط توقعاتك للمستقبل متبالغش بشكل كبير في التوقعات المستقبلية الطريقة الثانية : حدد اهدافك بدقة تحديد الاهداف بيكون مهم جداا للتخلص من الاحباط لان بيكون عندك خطة واضحة تمشي علها كل ما يصيبك الاحباط تقدر ترجع تراجع اهدافك

الطريقة الثانية 

حدد نقاط قوتك :

تحديد نقاط القوة بيخلي من السهل تطويرها والعمل عليها ولما تكون مكتوبة بيكون سهل ترجع لها كل فترة تكتشف نفسك وتضيف نقاط جديدة الي قوتك

الطريقة الثالثة

زود ثقتك بنفسك :

كل ما تزيد ثقتك بنفسك كل ما يصعب انهزامك وكل ما تكون قوي في موجهة التحديات لان الثقة بالنفس هي عنوان النجاح والتميز

الطريقة الرابعة

طور نفسك بشكل مستمر :

الحياة دائما في تطور مستمر وفي زيادة لو انت مكنتش متماشي مع الحياة هتشعر انك ضعيف واقل من الاخرين واحتمالية ان يصيبك الاحباط اكبر

الطريقة الخامسة

انظر الي الجانب المضئ :

دائما في اي وقت واي موقف جانب ايجابي حاول التعرف عليه واستشعرة وحاول تدور عليه بشكل كبير لانه هيكون الشمعة المضيئة في طريقك لما تكون محبط اخيرا تقبل نفسك تماما وانت في حالة ضعف زي ما بتتقبلها وانت قوي ..

عيش لحظات الاحباط وانت مستمتع وعندك يقين بأنها لحظات وهتمر وهترجع اقوي من الاول استمر وحاول واستمر في المحاولة هتقدر تتغلب علي الاحباط وكل المشاعر السلبية استعين بالله هتتخلص وتتحرر من المشاعر السلبية .

انت تستحق الافضل