لما بتكون محنوق او متضايق لازم تنفس عن غضبك و ضيقك بأي وسيلة تحبها و تكون مناسبة ليك ..

سواء كان بالبكاء او الكلام مع شخص تحبه و تثق ف رأيه او بالكتابة ..

لو اخترت البكاء فهو اده قوية للتنفيس عن حزنك وألمك 
وبيكون شبه مخدر قوي للالم و بتحس براحة بعدها لكنه مش حل للمشكلة هو بس مجرد مرحلة في الحل .. 

و لو اخترت انك تتكلم و تفضفض مع شخص مقرب ليك قلازم تختار الشخص الصح ..
شخص يكون موضع ثقة حقيقية و قادر علي حل المشكلات و تقدر تطمن وانت بتتكلم معاه انه هيكون امين و موضوعي في أراءه ..

الحل السحري و الوقعي و الفعال و اللي بنوصي بيه في الاستشارات انك تصاحب الورقة و القلم و تكتب حكايتك لنفسك ..
الحل ده هيساعدك تفهم نفسك اكتر و تكتشف نقاط القوة و الضعف فيك و توصل لحلول حقيقية لمشاكلك…

و تقدر طبعا تلجأ لمتخصص يساعدك بشكل قوي و فعال لو انت مش قادر تساعد نفسك ..
المهم انك تواجه مشاكلك و تنفس عن غضبك بأي شكل تشوفه مناسب ليك لأنك تستحق انك تعيش بسعادة و راحة بال وحب ..