نغير الاخرين ولا نقبلهم زي ما هما ..!؟؟

سؤال في الحقيقة محير جدااا لان كلنا عارفين الاجابه بشكل بديهي وببساطة “نقبلهم” ..

ولكن لما نتكلم عنه جوة حياتنا جوة البيت والشغل والمدرسة هتلاقي الاجابة اتغيرت خالص وممكن بكل هدوء وحكمة نقول انهم لازم “يتغيرو” علشان يكونو افضل يتغيرو لان المجتمع عاوز كدة او لان دة الصح ..!

القبول الغير مشروط مش معناه اني موافق او ممكن اعمل زيك القبول هو اني اقبلك كا انسان ربنا كرمه وله ارادة حرة بدون اي تدخل من اي حد مهما كان قريب منك ..

الرغبه في التغير بتبان اووي في النصائح المبالغ فيها او التدخل في اتخاذ القرار او اني اعتقد اني عارف مصلحة الاخر ..

وطبعا دة بيكون بدافع “الحب” وهو دافع مشروع وممكن يكون السبب الاساسي في التغير والشفاء ولكن السبب الاول هو “القبول الغير مشروط” لانه بيخلي الانسان في مكان آمن ويشعر برغبته هو في تغير حياته للافضل بدون مقاومة او دافع من الخارج اقبل ذاتك هتتغير وهتحصل علي شفاء ذاتي

اقبل اهلك هيدعموك تكون تتحرر من قيودك

اقبل زوجتك /زوجك هتكون بيئة آمنة

اقبل اطفالك هتشبع احتياجاته وهيشعر بأمان

البداية دائما في القبول الغير مشروط