الصراخ والعصبيه والغضب عند الام بيكونو سبب اساسي في بعد الام عن دورها الحقيقي في انها تكون مصدر الحب والامان عند اطفالها وتكون مصدر تهديد وعدم امان بالنسبة لطفلها وبيخلي الام تخسر اطفالها في النهاية

بعض النصائح الي هتساعدك تتخلصي من العصبيه علي اطفالك :

1- طفلك مالوش اي ذنب في ضغوط الحياة الي بتخلينا دائما متوترين وبالنا مشغول وعصبيين في معظم الاوقات .

2- مع التجربة والوقت هتنجح الام في ضبط انفعالاتها تجاه اخطاء الطفل او استفزاز الطفل لها . 

3- الافضل انك تعملي نفسك مش واخده بالك من الأخطاء البسيطة الي بيعملها الطفل .

4- لو طفلك لاحظ انك شفتيه لازم تخدي موقف او هيفتكر الطفل ان دة هو الصح .

5- الهدف من اي عقاب هو نطور من سلوك الطفل الي الأفضل علشان كدة لازم نبعد عن إهانة الطفل الجسدية ونكتفي بالتوجيه اللفظي .

6- لازم الام تفتكر ان اطفالها في مرحلة الفضول والاستكشاف ومن الطبيعي يكون عندهم الرغبه في الحركة والنشاط من الرائع ان الام تسمح لهم يكتشفو ويعيشو طفولتهم .

7- مهم نبعد عن ايدهم الحاجات الي بتعرضهم للخطر او يتعرض للتلف او قابل للكسر لانه هيكون مصدر خطر علي حياتهم ويخلي الام اعصابها مشدودة وعصبيه .

8- اكتر حاجة هتساعدك على انهم يتوقفو عن السلوك الي بيعصبك وبيشكل خطر على حياتهم هو انك لازم توضحي الجانب الايجابي في اولادك وتقولو لاطفالكم ادامهم انه اتصرف بالشكل الصحيح وتتباهي بسلوكه الايجابي وتشجعيه انه يعمل الايجابي بس

*تمرين للأمهات :

يساعدهم علي التقليل من العصبية علي الاطفال: ” انها كل يوم تعاهد نفسها بألا تهين طفلها او تسبه لو ارتكب اي اخطاء ولا تضربه أو تخاصمه” .

ابراهيم خطاب