بقالي فترة بيقع قدامي كتب ومقالات بتتكلم عن اهمية الحضن وعن احتياجنا ليه ..

الاحتياج للحضن من اهم الاحتياجات الانسانية وأقواها علي الإطلاق ..

الحضن وجبة غذائية للروح والجسد والعقل والمشاعر .. وجبة متكاملة فيها الي الواحد فينا محتاجة علشان يطمن

الاحتياج دة بيبدأ مع الولادة .. ايوة مع الولادة الانسان فينا بيبدأ يشعر انه موجود وانه منفصل عن الاخرين وانه حر ولكن المهم ميكونش لوحدة

علشان الواحد يعيش بالحد الأدني من الصحة النفسية بيكون محتاج 4 احضان في علي الأقل ..

مضاعفات الرقم 4 مهمة جداا وكل ما زاد عدد الاحضان زادت الفوائد والراحة النفسة ..

الحضن أمان ..

الحضن أمل ..

الحضن قوة ..

الحضن سعادة ..

الحضن بيزود افراز هرمونات السعادة وبيساعد علي ارتخاء العضلات وبيقلل التوتر والاحساس بالألم وبيقوي المناعة ..

الحضن زي ما اتفقنا انه احتياج ولا غني عنه ..

مش بس حضن الازواج والحبايب بيدي قوة

حضن الام

وحضن الأب

حضن الأخوات

والاصدقاء ..

متحرمش نفسك والي حواليك وأطفالك من الاحتياج دة

استغل قدرة وروعة الحضن علي ادخال الأمان والطمأنينة علي نفسك ونفوس الي حواليك

الأطفال الذين يتم معانقتهم من قبل والديهم كثيرا أقل عرضة للضغط العصبي والتوتر

احضن أطفالك كل يوم زي ما قلنا علي الاقل 4 مرات واحضن زوجتك واطفالك ..

شارك الحضن مع كل الي بتحبهم