fbpx

أهم 8 أسباب تساعد طفلك في بداية الدرسة

1 Comment

فترة دخول المدارس بتكون فترة مليانه توتر علي الأسرة كلها وعلي الطفل بشكل خاص ..

دخول المدرسة بتعني ان فترة الراحة والكسل عدت وبدأنا مرحة الصحيان بدري والواجبات المدرسة وتغير نمط الحياة والمهام بتكتر وفي البداية بتكون مزعجة ..

تعالوا نتعرف علي أهم 8 أسباب تساعد طفلك في بداية الدرسة :

 

1- البدء بالتدريج ووضع هدف واضح من المدرسة والدراسة :

الخروج من مرحلة الراحة الي مرحلة النشاط مهم يكون تدريجي علشان الطفل يتقبله والاهم يكون واضح بالنسبة للهدف من كل حاجة بيعملها علشان يعملها بشاط وحيوية .

 

2- التخطيط لمذاكرة الدروس بشكل مبسط :

مهم كل يوم نعمل خطة بسيطة جداا وسهلة ونشرحها للطفل .. حاجة زي مهام يومية للطفل ونركز إن المهام تكون من ضمنها المتعة واللعب .

 

3- تعلم بعض الهوايات الجديدة :

مع بداية المدرسة بيكون كل هم الأسرة هو الدراسة والتحصيل الدراسي .. بس بعد شوية الطفل بيكون محتاج جوانب تاني غير المذاكرة والمدرسة .. لو قدمنا له هوايات مختلفة هيخليه يقدم علي المذاكرة بحماس اكتر .

 

4- تشجيع طفلك وتقديم الحوافز :

التشجيع والتحفيز نتيجتهم أفضل بكتير من التعنيف .. جرب خلال الفترة الي جاية تتعامل مع طفلك بتشجيعه وكل حاجة كويسة بيعملها قدم له الحوافز .. دة هيخليه كل يوم متحمس يقوم بكل أعماله.

 

5- منح الطفل فرصة وتشجيعه علي تحمل مسؤولية نفسه :

مهم جداا خلال الفترة دي من حياة طفلي ادربه انه يتحمل المسؤولية بداية من تحمل مسؤولية نفسه إلى لبسه ومسؤولية مصروفه اليومي ده هيساعده إنه في المستقبل يكون قادر يتحمل جميع مسؤولياته.

 

6- تنظيم اولويات طفلك :

بعلم طفلي تنظيم الوقت وأن يومه الدراسي يكون مقسم إلى مجموعة أنشطة ووقت مخصص للمذاكرة والواجبات المدرسية لما يخلصهم يبدأ وقت اللعب وبالتنظيم دة بحدد وقت المتعة ووقت الجد والمذاكرة.

 

7- نظم يوم طفلكِ ليمارس نشاط بدني ونشاط ذهني :

مهم الطفل خلال النهار يمارس اكتر من نشاط ذهني وكمان نشاط بدني علشان نفرغ الطاقة الداخلية الي جواه ويكون بالنسبة لوقت الليل للنوم والراحة.

 

8- مدح طفلك والتحدث عن مميزاته :

إظهار مميزات الطفل والتركيز عليها بيخلي ثقته في نفسه وامكانياته تزيد ويبدأ يعيد حساباته في نظرته لنفسه

ابدأ في استخدام كلمات تشجيعيه زي ” انا واثق فيك – انت طفل مميز – انا فخور بيك – انا مؤمن بقدراتك – عارف انك تقدر – انا بشكر ربنا لوجودك في حياتي – انا بحبك …”

جرب تستخدم الكلامات دي هتلاقي طفلك مستواه اتحسن .. جرب تستخدمها وانت بتصحيه من النوم او وهو بينام هيجيب نتيجه حلوة اوي

 

تقليل الثقة بالنفس بالنسبه لطفلك وتخويفه وعقابه سواء بشكل بشكل لفظي او العنف الجسدي بتجيب نتائج عكسية وتوصل طفلك للفشل لا للنجاح

 

* خلي بالك ان صحة طفلك النفسية اهم بكتير من علامته المدرسية

 

الكوتش ابرهيم خطاب

شير المقال علشان يوصل لاكبر عدد من الامهات علشان اطفالنا يستحقو معاملة افضل

Ibrahim Khattab

Ibrahim Khattab

الأخصائي النفسى وخبير الارشاد النفسى والأسرى الكوتش المحترف والمعتمد عالمياً / إبراهيم خطاب ✓ مدير مؤسسة مودة للتدريب والإستشارات الأسرية ✓ عضو رابطة الأخصائيين النفسيين المصرية ✓ استشاري اسري معتمد من جامعة الازهر ✓ مستشار اسري ومدرب حياة معتمد من جامعة عين شمس. ✓ معالج سلوكي معتمد من جامعة القاهرة ✓ مدرب كورت معتمد من “ادوارد دي بونو” مؤسس علم التفكير . ✓مؤسس نادي التفكير الاول في مصر . ✓قام بالتدريب فى جهات محلية ودولية بأكثر من بلد عربي ✓ قدم أكثر من 50 دورة و أكثر من 200 محاضرة تدريبية ✓ قام بتقديم أكثر من 8000 جلسة للمستفيدين

1 Comment

  1. 25 سبتمبر، 2019

    المراهق كيف نحفزه على الدراسة بدون تشنج

Leave a Comment

Your email address will not be published.