fbpx

اقوي 5 خطوات للوصول للابداع

0 Comments

الابداع عملية سهلة يمكن ان اي حد يكون مبدع ..

في مميزات وصفات وخطوات يمكن انت تتدرب عليها ونسبه الابداع عندك تزيد 

طريقة تفكرك ممكن تتغير من تفكير تقليدي الي تفكير ابداعي

ايوة انت ممكن تغير طريقة تفكرك وتكون مبدع 

خلينا مع بعض نتعرف علي اقوي 5 خطوات يوصلوك  للابداع

الخطوة الاولي : تخلص من كلمة “لكن” 

كلمة “لكن” بتخلي الحياة تتوقف عند نقطة بعدة تماما عن الي انت عاوز توصلها 

كلمة لكن بتخلي الواحد فينا يفضل قاعد مكانة ويرمي علي الاخرين و الظروف ومشاكله زي ما هي من غير ما تتحل 

تخلص من كلمة لكن وخليك علي قد المسؤلية وكن مبدع .

الخطوة الثانية : خذ اجازة واسترخي 

بعد شغل فترة طويلة لازم تاخد راحة وتسترخي علشان تقدر تواصل شغلك بشغف وابداع 

الاجازة تعني انك تتخلص من حاجة بتربطك بالشغل والفلوس والمسؤليات وكل الحجات الي انت بتفكر فيها 

الاسترخاء معناه انك تخلي دماغك تفصل شوية وتحصل علي الراحة ممكن تمارس تمارين تأمل من فترة للتانية ممكن تروح مكان هادي مثلا قدام البحر وتشحن جسمك وعقلك راحة واسترخاء

الخطوة الثالثة : نوع هواياتك 

تنويع الهوايات امر في غاية الاهمية علشان الانسان يكون سعيد ويوصل للابداع 

لو عندك هواية واحدة وبتحب تعملها غيرها كل فترة ومتثبتش علي هواية محددة واحدة حياتك هتكون دائما فيها جديد ومتطورة لمجرد انك بتنوع الهوايات 

محتاج كل فترة تجرب هواية مكنتش متخيل انك ممكن تعملها زي مثلا انك تقدر تجرب تغني او تجرب ترسم وتلون وممكن تجرب هواية ركوب الدرجات او هواية التفكير الايجابي 

تنوع الهوايات بيخلي عندك اثراء في المعلومات والافكار وبيخلي مستوي الابداع يزيد وتتحرر من الافكار القديمة 

الخطوة الرابعة : دون الملاحظات 

خلي معاك دائما ورقة وقلم “نوت بوك” واكتب فيهم كل الافكار الي بتجيلك علشان تقدر تحتفظ بيها ومتطيرش لان الافكار لومتكتبتش هتطير من دماغك وعمرك ما تقدر تحتفظ بيها داخل دماغك بشكل كبير او كل الافكار ممكن “الموبايل” يحل محل الورقة والقلم 

لازم لما تجيلك فكرة تبدأ في كتابتها لان الافكار بتطاير لكثر المعلومات الي بتدخل علي الدماغ فتحتاج تجمدها وتحتفظ بيها 

الخطوة الخامسة : خليك فضولي 

كل العلماء اجمعو علي ان المبدعين عندهم صفة اساسية مشتركة بينهم وهي “الفضول” لان المبدع مينفعش تعدي من قدامة الافكار والاشياء من غير ما يتفحصها ويعرف عنها حجات جديدة 

الفضول مش معناه ان احنا نتدخل في حياة الاخرين الفضول معناه الاستكشاف والمعرفة والفضول للوصول لاقصي درجات الوعي بالاشياء 

خليك من المبدعين وجرب الخطوات الخمسة دي large

ولكن جربهم بجد حاول مرة واتنين وخمسة وعشرة … 

الواحد فينا بيستعجل النتائج وبيكون عاوزها في اسرع وقت اتعلم الصبر وجرب اكتر 

انك تكون مبدع عمرة ما يتحقق بالكلام ولكن محتاج منك عمل ومجهود كتير وبعد كدة صبر .

Ibrahim Khattab

Ibrahim Khattab

الأخصائي النفسى وخبير الارشاد النفسى والأسرى الكوتش المحترف والمعتمد عالمياً / إبراهيم خطاب ✓ مدير مؤسسة مودة للتدريب والإستشارات الأسرية ✓ عضو رابطة الأخصائيين النفسيين المصرية ✓ استشاري اسري معتمد من جامعة الازهر ✓ مستشار اسري ومدرب حياة معتمد من جامعة عين شمس. ✓ معالج سلوكي معتمد من جامعة القاهرة ✓ مدرب كورت معتمد من “ادوارد دي بونو” مؤسس علم التفكير . ✓مؤسس نادي التفكير الاول في مصر . ✓قام بالتدريب فى جهات محلية ودولية بأكثر من بلد عربي ✓ قدم أكثر من 50 دورة و أكثر من 200 محاضرة تدريبية ✓ قام بتقديم أكثر من 8000 جلسة للمستفيدين

Leave a Comment

Your email address will not be published.