خطوات سحرية لكسب ثقة الاخرين

كلنا في حياتنا بنحتاج ان احنا نكون مصدر للثقة والاهتمام لان الانسان بطبعة اجتماعي .. ثقة الاخرين فيك بتخلي صورتك الذاتيه اكثر ايجابية وبيرتفع تقدريرك لذاتك

ثقة الاخرين لاتطلب منهم ولكن هي مشاعر بتنتقل من شخص لاخر بناء علي قدراته وامكانياته..

لما الواحد فينا بتكون ثقته في نفسه قوية ولها اساس بيخلي كل الي حوالية يبدأو يثقو فيه  .. في مجال حياتك الشخصية او العملية تقدر تحافظ علي كل علاقاتك وترسخها .

صورتك الطيبة ادام الناس بكون صعب عليك انك تشوها لانها بتكون بعتبر عن ثقة الاخرين فيك .

تقة الاخرين بيكون ليها تأثير كبير في حياتنا وسعادتنا وانجازاتنا وهيكون سهل عليهم جداا انهم يتوسطو لك في اي موقف وهم مش خايفين انهم ممكن يتعرضو للمشاكل والمواقف المحرجة

بما ان احنا ادركنا مدي اهمة ثقة الاخرين فينا وتأثيرها علي حياتنا اكيد انت عاوز تعرف ازاي تكتسب ثقة الاخرين :

1- ثق في نفسك :

لازم تكون الاول واثق من نفسك ومقدرها علشان الي حواليك يقدرو يثقو فيك وتكون علي قدر المسؤلية ويثق فيك زملائك ومديرك واهلك

2- امسك لسانك :

كل ما يقل كلامك كل ما اخطائك تقل وفي الوقت دة انت هتكون مصدر لحفظ الاسرار وتبدأ تزداد ثقة الاخرين فيك والمهم انك هبتحصل علي الحكمة

3- تكلم فقط بإيجابية :

لما تتكلم ما تقولش العيوب والسلبيات لما تتكلم مع الاخرين خلي كلامك كله ايجابي وافكارك ايجابية

4- كن قويا :

خليك قوي وافكارك قوية مش سهل تتغير ولكن خليك مرن وعندك مرونة فكرية انك تقدر تتخلص من افكارك القديمة ولكن لما تؤمن بفكرة جديدة

5- خليك شجاع :

خليك شجاع انك تعترف بخطأك وتكون صادق لان مستحيل حد يثق بشخص هو ميعرفش هل هو بيقول الصدق او الكذب تحلي بقدر كافي من الشجاعة للاعتراف بالصدق

6- المرح مطلوب احيانا :

المرح مطلوب في اوقات كتير ولكن بأعتدال لان الجدية المفرطة تجعل منك شخص قاسي لا يشعر بالاخرين ولا يجرء الاخرين علي حتي الحديث معه فبالتالي الثقة فية بتكون قليلة اما المرح البشوش الوجة هو اكثر تحصيل للثقة .

7- الثقافة العامة مهمة :

الشخص الي الاخرين بيلجأو ليه وبيثقو فيه لما تكون في مشكلة لازم يكون المقدرة علي مساعدتهم وحل مشكلاتهم ولازم يكون عندة ثقافة عامة قوية بكل امور الحياة

8- ساعد الاخرين :

قدم مساعدات وحلول فعالة وايجابية وساعد الاخرين علي قضاء حوائجهم وكن لهم عونا

9- كن قد كلامتك :

لما توعد وعد او تقول كلمة لازم تكون قد الكلام بتاعك لان الاخرين بيعتادو علي الصدق في كلامك فكن اهل للصدق

10- اكتب تاريخ انجازاتك :

مهم جدا تكون عارف انجازاتك وكاتبها وتقدر تعرضها علي الاخرين .. المهم انك لازم تتعرف عليها وتحترم افكارك وتجبر الاخرين علي احترامها

تقبل نفسك وقدرها واعترف بأخطائك هتقدر تخلي كل الي حواليك يثقو فيك