fbpx

خطوات للوصول الي الزواج الصحي

0 Comments

سمعتوا قبل كده عن الزواج الصحي؟

الزواج الصحي ھو العلاقة اللي بیدعم فیھا شریكه بإنه یستمع ویحترم ویشارك ویمارس التواصل المفتوح والصادق، واللي بیظھر فیھا الشریكین استعداد لتقدیم تنازلات ویكونوا منفتحین على النقد البناء.

في الزواج الصحي ، الشریكین بیشعروا بالسعادة والأمان تحت سقف واحد .

● وإیه اللي بیمنع ده من البدایة و بیغیره مع مرور الوقت؟

أسباب كتیر زي قلة التواصل، وعدم فھم كل شریك لنفسه ومتطلباته وبالتالي عدم فھمه لشریكه، وضغوطات الأطفال وتعلیمھم وتربیتھم، والضغوطات الاقتصادیة والاجتماعة وزیادة المسؤولیات، كل ده بیخلي كل فرد وقته قلیل ومشاعره مش واضحة وحاسس بالتقصیر من التاني أو معاه.

● إزاي أوصل أنا وشریكي للزواج الصحي؟

– حطوا جدول صارم محدد لوقت تقضوه مع بعض أسبوعیا، تركزوا فیه على علاقتكوا ببعض وبس، وده ھیساعد في إن علاقتكم تنمو أقوى قدام الضغوطات.

– الصراع جزء طبیعي من أي علاقة، لكنه ممكن یوصل لنقطة یبقى فیھا غیر آمن عاطفیا وأحیانا جسدیا.

إفھموا مشاكلكم كویس وإزاي تناقشوھا، ووقت الصراع حاولوا تركزوا على النقاش بعد تحدید المشكلة والحلول المناسبة لیھا، بدون انفعال أو تشكیك واتھام للشریك.

– احترموا البعض طول الوقت في الشدة قبل الرخاء، لأن الدراسات وضحت إن أكتر حاجتین بیدمروا العلاقة بین الأزواج ھما التقلیل والنقد المستمر.

– اكتشفوا اھتمامات مشتركة بینكم، وده مش معناه إن لازم إنتوا الاتنین تستمتعوا، لكن ده بیفتح بینكم باب جدید للمشاركة والمرونة وفھم بعض، یعني مثلا ھو یجرب یطبخ معاكي، إنتي تجربي تتفرجي على مباراة كرم قدم.

– اكتشفوا مفھوم الحمیمیة العاطفیة أو النفسیة، وھي باختصار خلق مساحة آمنة لشریكك لمشاركة مشاعره بدون خوف من الحكم أو السخریة.

– مارسوا الغفران، مفیش حد مثالي أو كامل، وكلنا بنرتكب أخطاء تجاه شركائنا، اسمحوا بمساحة لشریككم یغلط طالما ھیعتذر أو ھیصلح غلطھ بعد كده، الغفران بیقوي العلاقة بینكم.

– دوروا على الصفات الحلوة في بعض طول الوقت، یمكن الصفات اللي كنتوا بتشوفوھا في بعض قبل الزواج اتغیرت أو بقت بعید عن نظركم، اكتشفوھا من تاني عشان تقعوا في حب بعض تاني.

● إیه كل المجھوده ،للدرجة دي السعادةصعبة؟

مفیش حاجة بتیجي بسھولة، ومنظومة الزواج حیاة كاملة بتتطلب محھود كل یوم ومحاربة للضغوطات الخارجیة والظروف، لكن الحیاة السویة الھادیة السعیدة نتیجة تستاھل كل المجھود المبذول.

بالألفة، والالتزام، والتواصل، الحیاة ھتكون أسھل بكتیر وھنحافظ على طاقة الحب اللي بیننا.

Ibrahim Khattab

Ibrahim Khattab

الأخصائي النفسى وخبير الارشاد النفسى والأسرى الكوتش المحترف والمعتمد عالمياً / إبراهيم خطاب ✓ مدير مؤسسة مودة للتدريب والإستشارات الأسرية ✓ عضو رابطة الأخصائيين النفسيين المصرية ✓ استشاري اسري معتمد من جامعة الازهر ✓ مستشار اسري ومدرب حياة معتمد من جامعة عين شمس. ✓ معالج سلوكي معتمد من جامعة القاهرة ✓ مدرب كورت معتمد من “ادوارد دي بونو” مؤسس علم التفكير . ✓مؤسس نادي التفكير الاول في مصر . ✓قام بالتدريب فى جهات محلية ودولية بأكثر من بلد عربي ✓ قدم أكثر من 50 دورة و أكثر من 200 محاضرة تدريبية ✓ قام بتقديم أكثر من 8000 جلسة للمستفيدين

Leave a Comment

Your email address will not be published.