علاج ادمان المشاعر والاشخاص

لما نتكلم عن الادمان دائما يجي في ذهننا اول حاجة هي ادمان المخدرات وتحضر صورة لشخص مدمن وحياته متبهدله وضايعة ومن غير اي نجاحات ..

النهاردة في المقال دة هنتكلم عن جديد عن الادمان وهو “ادمان الاشخاص”

ايوة انك تكون معتمد اعتماد كلي علي شخص ما سواء كان حبيب او اب او ام ومتعلق بيه تعلق شديد لدرجة انه يوصل الي الادمان وميكونش عندك القدرة انك تعيش من غيرة ..

لما تجب جد بشكل مفرط وتعشقه وتتمني ان يكون دائما سعيد حتي علي حساب نفسك وتدي له مشاعر زيادة مع الوقت الشخص دة بيتحكم في حياتك .. بيتحكم في حزنك وفرحك وقوتك وضعفك مع الوقت بتعمل اي حاجة علشان ترضيه ويفضل عايش معاك فقط بتضحي بكل حاجة وكل الي حواليك علشان هو بس يكون سعيد ..

لو سافر او فارق الحياة او بعد لاي سبب من الاسباب المحب حياته بتتدمر وبيصاب بحالة اكتئاب واحيانا يوصل للأنتحار

ازاي تعرف انك في حالة من الادمان للأشخاص :

لما تقابل شخص وتتعلق بيه تعلق كامل وتترك اصدقائك وتقلل علاقتك بكل الي حواليك وتبدأ تشعر انك متقدرش تعيش من غيرة هنا بتبدأ عملية الادمان ..

وليها درجات وليها واوقات بيتم استغلال الشخص المحب بسبب تعلقة شوف الفيديو دة النصب بإسم المشاعر والحب “الابتزاز العاطفي” – ابراهيم خطاب 

سبب الادمان بيكون الحرمان من الرعاية والحنان في ايام الطفولة ودة بيسبب ضغف وشرخ في الشخصية .. مجرد ما تلاقي انسان بيقدم الحنان والرعاية والكلام الحلو بيكون كفاية انك الشخص يصاب بالادمان

تقدر تخرج من الحالة دي عن طريق :

– ايجاد بدائل في حياتك لكل شئ ولكل شخص

– جعل علاقاتك متعددة وتزيد من علاقاتك الاجتماعية

– البدأ بالهوايات العمل بجدية

– زيادة الثقة في نفسك

– تقوم بأعمال تطوع

–  العبادات تؤديها بشكل جيد

– مساعدة نفسك علي الاختلاط بمجتمع جديد

– ضع سيناريو في عقلك ايجابي عن نفسك

مهم اوي ان احنا نلاقي اشخاص يبادلونا مشاعر الحب والفرح نحبهم ويحبونا نحافظ علي كرامتنا ونحمي نفسنا منهم تقبل فترة غياب شخص او فقدانه مع الوقت هتبدأ تتعود عليها

حضر نفسك انك تكون انسان قوي متعلق بالله عندك ثقة وتقدير ذائد لنفسك تستحق حياه كريمة وقوية

ردد ورايا بصوت عالي :

انا استحق حياة كريمة

انا استحق ان احب واتحب

انا استحق ان حياتي تكون اجمل

انا استحق شريك حياة قوي ومميز

اتمني لك السعادة والحياة المليئة بالحب

تقدر تعرض مشكلتك وتحجز جلسة نساعدك فيها تطور حياتك وتمتلكها

ابراهيم خطاب