fbpx

في بيتنا مراهق

0 Comments

مرحلة المراهقة من اصعب المراحل الي بتمر علي الانسان في حياته كلها مرحلة كلها تخبط ولخبطة وعدم استقرار علي هدف في الحياة

معظم المراهقين في ظل التغيرات الي بتحصل في البلاد والتغيرات العالمية بيحصل لهم فقدان في الهوية واضطراب في الافكار

 
large_1238226098
 

 كل علماء النفس بيجمعو علي ان المرحلة دي بتحتاج وعي كبير جدا من الشاب نفسه ومن الاسرة والمحيطين بيه بسبب التغيرات الي بتحصل له سواء جسدية او نفسية او جنسية

تغيرات الهرمونات بتخلي الشباب في الفترة دي عندهم مشاعر متضاربة ايجابية وسلبية والصورة

الذاتية للمراهق بتهمه بشكل كبير وتأثر علي سلوكة

 المراهقة تظهر من سن 12 الي 18 عام

مرحلة المراهقة بتختلف من شخص لاخر , كل واحد بيمر بمرحلة مختلفة ولكل واحد ذكريات وتجارب وخبرات بتختلف بشكل كبير عن الباقي

بيبدأ المراهق الخروج من دائرة الاهل والقيود الي بيفرضها عليه المجتمع وبيشعر ان دة وقت الاستقلال وتكون الشخصية ودي بتكون من اهم المشكلات بينه وبين اسرته

المراهق في الفترة دي بيكون متعلق بأصدقاءه بشكل كبير وبيعوض من خلالهم الحاجات الي مقدرش يشبعها في البيت ومع اسرته غالبا طرق الاشباع بتكون غير سوية وتؤدي الي مشكلات تانية داخل الاسرة

اثبات الذات عند الشباب في المرحلة دي بيكون هدف اساسي ورئيسي بيحارب عشانها كل الي حواليه وعلشان يثبت انه علي صواب

طبيعي في الفترة دي ان الشباب يبدأو في لفت الانظار ليهم بكل الطرق الممكنة بالنسبة ليهم سواء بتباع الموضة او سلوكيات غريبة تؤذيهم وتؤذي المجتمع زي السرقة او شرب المخدرات او اقامه علاقات جنسية والحل في الظواهر دي التعامل معاها بحكمة وطولة بال ووعي بأهمية المرحلة

الطفل الصغير لسة موجود لان المراهق الذكر او الانثي طفل كبير بالتالي بيحتاج مننا تعامل معه علي انه راشد في بعض الاحيان والاخري انه طفل صغير ولكل واحدة فيهم وقتها وهو هيكون سعيد جدا لو قدرنا نتعامل معاه بالشكل دة

الحزن والاكتاءاب والتخبط في المشاعر سمة موجودة عن المراهق بشكل كبير في المرحلة فيبدو معظم وقته مضطرب ومشوش يبكي احيانا ويضحك في وقت تاني مودة غالبا متقلب

يتكلم بصوت مرتفع ولا يترك لنفسه مجال ليسمع ويأخذ بنصائح وخبرات الاكبر منه ومن يفوقون عنه خبرات الحياة

لا يثير حماسه أي نشاط فهو ينفر من النشاطات خارج المدرسة ويرفض التخطيط لمستقبله ويظهر عدم رغبته في أي شيء ودة تحدي امام الاسرة انهم يوفرو للمراهق بيئة تساعدة علي النشاط والحماس مرة اخري

المراهق مرهف الاحساس والمشاعر ودة بسبب اللخبطة الي بتحصله من فترة لاخري ولازم الاهل يتعملو مع ان ابنهم مشاعرة متقلبة ومتغيرة

اثبات الذات ووجود الاعجاب من الطرف الاخر بيسعي المراهق انه يجد طرف اخر معجب بيه ويعجب بأفكارة وشكلة وبيحاول يكون متغير في الاسلوب والشكل علشان يشوف الاعجاب في اعين من حولة

القراءة والثقافة الاطلاع والدورات التدريبية وتنوع الهوايات من المزيكا والرسم مهم جدا علي المراهق انه يعملها لانها بتساعدة علي تكوين علاقات جديدة سوية بشكل اكبر

الوقت اهم مايملك المراهق لو كان فاضي في الوقت بيبدأ يشغله في كل الاشياء السلبية الي الدين والمجتمع بيحذر منها

يحتاج الذكور وقتا اطول من البنات للخروج من المراهقة والدخول في الرشد والنضج

العامل النفسي هو السبب الفتيات لديهم استعداد اكبر لمراجعة انفسهم وتحليل ما يعشونه اما الذكر يميل إلى التعبير الخارجي

ينصح الاختصاصيون وعلماء النفس الأسرة بعدم التدخل الشديد في حياة المراهق وترك له مساحة من الحرية وجعله يعيش في هدوء على أن يكونو مستعدين لسماعه ويجعلوه ضمن اولاوياتهم مع تفهم كل الصراعات الي بتدور في داخله

وينصحون المراهقين بعدم الانسياق وراء الموضة والفكار الغريبة والشاذة عن المجتمع والتمسك بالدين وسماع النصح من الاكثر خبرة وعدم التطاول علي الاهل 

وان دي مرحلة انتقاليه هينتقل منها الطفل الي راشد ومسؤول عن كل تصرفاته فدة الوقت الي قدام المراهق انه يكون افكارة وقناعاته الي هيكمل بيها مسرة النجاح والسعاة 

ودي كانت اهم خصائص ومشاكل مرحلة المرهقة تحية لكل اسرة بتتبع وتقرأ مثل هذه النصائح لتساعد اطفالها للعيش بسلام 

ادرس معانا فن التعامل مع المراهقين ..
ولادنا كل ما بيكبروا بتكبر معاهم مشاكلهم .. دي جملة بنسمعها كتير .. وبتجيلنا في الاستشارات حالات كتير هم مش عارفين يتعاملوا ولادخم لما وصلوا لعمر المراهقة …. ممكن تشوف انك مش مضطر تاخد كورس التعامل مع المراهقين لكنه حرفيا فرق مع اباء ومدرسين بيتعاملوا مع مراهقين وعمل تغيير ملحوظ جدا. 

 

 
 

Ibrahim Khattab

Ibrahim Khattab

الأخصائي النفسى وخبير الارشاد النفسى والأسرى الكوتش المحترف والمعتمد عالمياً / إبراهيم خطاب ✓ مدير مؤسسة مودة للتدريب والإستشارات الأسرية ✓ عضو رابطة الأخصائيين النفسيين المصرية ✓ استشاري اسري معتمد من جامعة الازهر ✓ مستشار اسري ومدرب حياة معتمد من جامعة عين شمس. ✓ معالج سلوكي معتمد من جامعة القاهرة ✓ مدرب كورت معتمد من “ادوارد دي بونو” مؤسس علم التفكير . ✓مؤسس نادي التفكير الاول في مصر . ✓قام بالتدريب فى جهات محلية ودولية بأكثر من بلد عربي ✓ قدم أكثر من 50 دورة و أكثر من 200 محاضرة تدريبية ✓ قام بتقديم أكثر من 8000 جلسة للمستفيدين

Leave a Comment

Your email address will not be published.