كلنا عارفين الاطفال لما بيدأو في فترة المراهقة بتزيد الحراية وتبدأ مرحة التحرر من كل القيود الي بتفرض عليهم في الصغر
وكلنا عارفين ان دة وقتهم وانهم عندهم الرغبة في التعبير عن ارأهم
وان من حقهم يكونو شخصيات مستقلة وان السن دة سن تكونين الشخصية
كلنا عارفين كلام كتير كأننا خبراء في علم النفس
ولكن المهم مش المعرفة المهم التطبيق ..!!
لما ابني يكبر وتبدأ افكارة تأخذ جديد يتبني افكار ومعتقدات جديدة عليا
الافكار والمعتقدات الجديدة غالبا بتكون شاذة عن افكار المجتمع
المراهق في الوقت دة بيحاول يوجد طريقة ووسيلة للتعبير عن نفسة يخرج من خلالها كل انفعالاته
من خلال الاستشارات الي بتتعرض علي للمراهقين ومن خلال سفري ان كل مراهقين في العالم العربي عندهم تقريبا نفس الموضة ونفس الطقوس والافكار بختلافات بسيطة ولكن كلها تحمل نفس طريقة التعبير والانفعالات
عندنا الانفعالات بتنقسم الي قسمين
الاول : داخلية
الداخلي بيكون في طريقة التعبير عن الغضب والحزن
التعبير عن الذات واكتساب الثقة بالنفس واحترام الاخرين
وبيتطلب يكون عندنا حكمة كبيرة واحنا بنتعامل مع انفعالات المراهق الداخلية
الانفعالات الداخلية بتطلب مننا قرأة اكتر وحضور دورات والبحث عن المعلومات في طرق التعامل مع انفعالات المراهقين
الثانية : الخارجية
الانفعالات الخارجية بتتلخص في طريقة اللبس او الشعر
اغلب ملابس المراهقين اليوم بيرفضها الاباء وبيحاولو يتحكمو في طريقة تعبير المراهق عن نفسة
خلينا نسأل سؤال في الاول لكل اولياء الامور والبالغين …
وانت في مرحلة المراهقة كنت بتلبس علي الموضة ..!!؟؟ 
اغلبنا في فترات مراهقتة كان بيلبس علي الموضة ويعمل مشكلات مع اهلة في الوقت دة حسب نوع الموضة
سيب طفلك يعبر عن نفسة ويفهم نفسة ويخرج كل انفعالاتة
ابعد عن كلام الناس ولا تهتم بيهه اهتم بطفلك اكتر
سيب له مساحة يكون مسؤول عن قراراته سيبة يغلط ويتحمل النتيجة
الموضة ليها فترة صغيرة وهتعدي المهم اني اكون جنبة اكون معاه مش ضدة
لازم تتفهم متطلباته في المرحلة دي وان كلها تقلبات وعدم استقرار علي رأي واحد ومحدد
مهم جداا اني اوجد له قدوة اوجد له بدائل غير الي انا عاوزة يسيبها وابطل اخاف من المجتمع وعلي شكلي
اخلي طفلي المراهق قادر علي اتخاذ القرارات ويكون قائد مش تابع
مش معني الكلام اني موافق علي الموضة ولكن دي مرحلة صحية وبنمر بيها كلنا وبنرجع عنها
وخلينا فاكرين الحكمة الي بتقول “الممنوع مرغوب”
http://wp.me/p7vy6e-7P