الارتباط الرسمي بيوضح تفاصل كتير في شخصياتنا وشخصية شريك حياتنا ، فترة الحظر بتتجدد في علاقاتنا ونتعرف اكتر نفسنا وعلي احتياجتنا من الطرف الاخر ..
تعالو نتكلم عن شوية نقاط لازم ناخد بالنا منها في فترة الحظر للناس المخطوبين :
– تشاركوا بعض في حجات انتوا بتحبوها زي انكوا تلعبوا الالعاب علي الانترنت او تقروا كتاب و تتناقشوا فيه او تشوفوا فيلم في نفس الوقت او تحضروا اكله مع بعض و تشاركوا صورها مع بعض
– مارسو رياضة شجعوا بعض علي الصلاه و قراءة القران
-حاولوا تتكلموا مع بعض و تكتشفوا بعض و تحاولو تتعرفو علي السلبيات اللي فيكوا و تركزو علي الايجابيات
– انتهزي فرصة انه بقي اكتر الوقت في البيت و مش علي القهوة او في الشغل و وتعرفي عليه اكتر و اعرفي وجه نظره و تطلعاته و فلسفته و اهتمامته
– الازمة ده هتعرفك هو قد المسؤلية ولا لا هيقدر يحل اي ازمة و يواجها و يطلع منها بحجات ايجابيه ولا لا
-لو هو احترم خوفك من الازمة اللي احنا فيها و احتواكي اعرفي انه شخص محترم ولو استهزء بالخوف ده اعرفي انه غير صالح لازم يحسسك انه سند ليكي و ضهر
– لازم تلحظي تصرفاته في بيتيه مع اهله و اخواته هل هو شخص متعاون ولا لا
-فترة البعض او انكم مش بتشوفوا بعد ده هتخليكي تفكري بعقلانيه و يكون عندك فرصة تفكري صح من غير اي مشاعر و تعرفي تقيمي صح
-فكره انكم مش بتشوفو بعض ده هيعرفك انوا هيعرف يعبر عن حبه بالكلام مش بس باللقاء ولا لا و ده هيعرفك هو بعد الجواز هيكون عامل ازاي
– ويعرفك هو جريء و عنده حسن اداره العلاقة ولا لا
– ازاي هيحاول يفرحك و تفرحيه ازاي يعني يجيلك تحت البيت عشان يشوفك 5 دقيق قبل الحظر يعني يطلب حجات اونلاين عشان يفرحك حتي لو ابسط حاجه زي اكلة حاوه مثلا
-اتعلموا مع بعض لغة جديدة بما ان كل الكورسات بقت علي الانترنت و سعدو بعض و اتحدو بعض في الخير
-خليكي ايجابيه ديما و كوني انتي الجزء الحلو اللي يحب يقضي وقته معاكي
-ديما شجعيه و اوعي تنتقديه و حولي تعرفي ايه اللي هو بيحبه
– ارسموا مستقبلكم مع بعض
-اسمعو بعض حتي لو اختلفتو
-احترموا راي بعض
تعرفي منين انوا مش وخدك جد او ازاي تقفشيه :
-تجاهل-سلبية –عدم اهتمام-عدم حسن تصرفه-خوف علي الفلوس و ده يدل انوا بخيل او غير كريم
لما يفضل يماطل و يقارنك مع حد تاني و مش بينفذ وعوده
تعرفي انه بيحبك :
انه يهتم بيكي و يكون حنين عليكي و بيقدرك و انوا ديما يحس انوا مش هيعرف يكمل حياته غير بيكي
-هتلاقيه عاوز يكلمك كتير و ممكن فيديو كول بس خلي بالك عشان ممكن تتطور لطول الفتره ممكن يكون يطلب صور مش كويسة فلازم تخلي بالك جدا