اطفالنا يكتسبون سلوكياتهم عن طريق المشاهدة .. عن طريق مشاهدة سلوكياتنا ..!!

اذا استخدمنا مع اطفالنا كلمة من فضلك او شكرا .. طبيعي انهم يتعلمون ذالك ويستخدمون تلك الكلمات في حياتهم اليومية مع جميع الاشخاص وخصوصا داخل الاسرة 

لما تكون عاوز تزرع سلوك في طفلك ابدأ انت في ممارسة السلوك دة بشكل يومي وايجابي امام طفلك ومعاه 

طبيعي ان لو طرف من الاسرة سواء الاب او الام بيفقد اعصابة في التعامل مع الاطفال وشخص في حقيقته عصبي جداا ..!!

ويرجع يشتكي ان طفلي عصبي وبيعمل سلوكيات مزعجة وعنيد ..

طبيعي الطفل الي بيشوف ويعيش في السلوكيات الغير مقبولة يكون هو كمان بيقوم بيها لانه بيشوفها وبعد كدة ينفذها

انت غير مثالي متحاولش تخلي اطفالك مثاليين 

لما تكون عاوز تعدل سلوك عند طفلك ابدأ عدله في نفسك لان طفلك بيكون مرآه ليك وبيقلد كل سلوكيات 

احنا متفقين ان طفلك كدة كدة هيقلدك خلية يقلد سلوكيات الايجابية :

اعتذر لما تخطأ وعلم طفلك الاعتذار مش بس بالكلام لا وكمان بالسلوك 

قول كلام ايجابي اكتر لطفلك 

لما تكون متضايق وعصبي ما تتكلمش مع طفلك في الوقت دي 

عبر عن حبك لطفلك اكتر وعبر بالكلامات والمشاعر مش بس بالماديات اهتم بمشاعرة 

في الاخر انت لازم تحتفظ بكل مخاوفك لنفسك ومتقولهاش لاطفالك ولو عندك خوف من حاجة متنقلهاش ليهم واظهر عيوبك الطبيعية هتوفر علي نفسك مجهود كبير وتخلي طفلك سلوكيات ايجابية