اكبر سبب يخلي الانسان يكون كئيب هو العيش في الماضي ..
واكبر سبب يخلي الانسان يعاني من القلق هو العيش في المستقبل ..
الخوف من الماضي والمستقبل بيخلونا ما نقدرش نستمتع بالحاضر ولا نستفيد من كل امكانياتنا الي موجودة معانا سواء مادية او قدرات شخصية
مهم جداا ان الواحد فينا يستفيد ويتعلم من الماضي وخطط للمستقبل
لان دي هي قمة الايجابية دة اعلي الهرم الايجابي
خطوات سحرية وفعالة للتخلص والوقاية من القلق والتوتر والعيش بسلام :
1 – كن متحمس للحياة :
اوجد الحماس في كل تفاصيل حياتك وابحث عن اهتمامات جديدة ونوع هواياتك المهم انك تكون عندك شغف وحماس متجدد وحاول تطوع في عمل خيري تقدر من خلاله تشوف الحياة بشكل مختلف يقدر يخلك اكثر حماس وشكر للنعم .
5- خليك متفائل :
خليك متفائل رغم كل الصعوبات الي بتواجهك .. خليك متفائل لان النجاح عمرة ما هيون من نصيب شخص متشائم لانه لو نجح عمرة ما هيقدر قيمة نجاحه .
3- سجل انجازاتك :
اكتب كل انجاز بتقوم بيه وسجله واحتفظ بيه لانك هتحتاجه علشان تطور من حياتك , كل ما كان عندك سجل اكبر من الانجازات كل ما تطلعت لأنجازات اكبر ومهم انك تكتب كل الانجازات بتعتك حتي لو انجازات صغيرة .
4- اتكلم عن النجاح ولا تتكلم عن الفشل :
الكلام عن النجاح بيولد نجاح وبيخليك تشتاق للنجاح وتدور علية وتجذبه ليك وبعد شوية تعيشة وتكون من اهل النجاح ..
لما تتكلم عن النجاح اكتر تشوف الصورة بشكل اكبر وتعرف ان كل الناجين فشلو في البداية علشان يوصلو للنجاح وانك ممكن تكون واحد منهم
5- خطط للنجاح :
ضع برنامج وخطة من خلالها تقدر توصل للنجاح والتميز خليك فاكر انك لو ما خططتش للنجاح هتكون بتعمل خطة محكمة للفشل .
اعمل خطة للنجاح وممكن ما تحققهاش كلها ولكن هتكون علي الاقل حققت جزء منها وتتعلم بعد كدة ازاي تحقق خططك ابدأ بالخطط والنجاحات الصغيرة ولا ترهق نفسك بالنجاحات الكبيرة .
6- اوجد البيئة الايجابية :
ايجاد البيئة الايجابية موضوع في غاية الاهمية لانه بيحدد حزء كبير من معتقداتنا وافكارنا وبيطورها للافضل بشكل ملحوظ ..
ابدأ في تطوير كل ما حولك مع البدء في تغير المحيط الي حوليك اصدقائك الايجابين هيساعدوك علي انك تكون افضل وتتخلص من القلق وتكون متفائل .
اصدق مع نفسك ولا تخدعها اذا كذبت علي الناس لاتكذب علي الله وعلي نفسك اكثر من العلم والمعرفة
دي خطوات فعالة ومجربة علي ناس كتير تقدر من خلالها تكون اكثر سعادة وهدوء وراحة نفسية لما تبدأ تجربها
انت تستطيع ان تكون انسان ناجح
انت تستطيع ان تتخلص من القلق والتوتر
انت تستطيع ان تكون مصدر للطاقة الايجابية والتفاؤل
ابراهيم خطاب