انك تصحي الصبح تروح الشغل كل يوم لازم يكون عندك سبب يخليك تصحي كل يوم

  لازم يكون عندك دافع قوي انك تقوم بنفس العمل كل يوم .. انك تكون بتروح الشغل وبتعمل حاجة انت مجبر عليها او حاجة مبتطورش من قدراتك دي حاجة بتخلي الحياة من غير طعم

من اهم الحاجات الي ذكرها ماسلو بعد الحاجات الاساسية للانسان هي حاجة الانجاز

ان الانسان كل يوم يكون بيشعر بأنه له قيمة متجددة وبيعمل انجازات كتير

فكر انت اخر انجاز حققته كان قريب وكان ايه ..!!

في 3 انواع من الناس الي بتشتغل

النوع الاول :

انك تكون بتشتغل علشان الفلوس بس الشغل ميكونش بيسببلك اي سعادة ولا متعة بتروح الشغل ببساطة علشان تجيب فلوس بس ولكن مبيغذيش روحك خالص مبيحققش الدعم المعنوي

النوع التاني :

ان الشغل يكون بيسبب لك المتعة والسعادة والموهبة وتكون مبدع فيه ولكن ولكن مبيحققش لك الثراء والاتزان المادي بيحقق لك الدعم المعنوي فقط

النوع الثالث :

ودة نوع الشغل الي كل الناس بتدور عليه انه يكون بيحقق المعادلة الصعبة انك تحصل علي السعادة والمتعة والدعم المعنوي من شغلك وكمان بيحقق الجانب المادي وبيوصلك للثراء

في استفتاء عملته علي رسائل خطاب الصويته الي بتوصل علي الواتس اب لكل الناس يوميا وهي خدمة مجانية بيستفيد منها الناس الي بيدخلو علي الموقع وتقريبا عددهم 1000 شخص من حوالي 8 دول

لما سألناهم هل شغلكم بيسبب لكم نوع من السعادة والتطوير .!؟

كانت الاجابات الاكثر هي “لا” وان اغلب الناس بيشتغلو شغل مبيحققش الانجاز ليهم

لو انت من النوع الاول انصحك غير شغلك وخليك جرئ غير حياتك

المهارات والقدرات الي عندك انت المسؤول عن توظيفها في الشغل وان شغلك لازم يكون من المجوعة الثالثة