خليك راجل ليها مش عليها
خليك راجل ليها مش عليها
مفهوم مهم جدا وعميق وبيحتاج من الرجالة تضحيات بأفكار ومعتقدات قديمة تتغير ويجي مكانها افكار جديدة
وبيحتاج من المرأة تكون اكثر وعي ومعرفة بحقوقها وواجباتها بشكل افضل وتتصرف علي الاساس دة
المعرفة مهمة وبتخلي الحياة بين الزوجين افضل بكتير ولكن المعرفة لوحدها من غير تطبيق بيخلينا اكثر سلبية ونلوم نفسنا بشكل اكبر
بكون سعيد لما يجيلي زوج وزوجة في استشارة زواجية .. لما يكون عندهم مشكلة زواجية بشكل متحضر بيروحو الي متخصص يساعدهم علي تخطي المشكلات دي علشان كدة بنصح كل الازواج الي بيعانو من مشكلات يقرأو او يروحو الي متخصص يساعدهم علي تخطي المشكلات .
علشان الرجل يحصل علي حقوقة ويقوم بواجباته لازم هو كمان يكون عندة وعي ان عليه التزامات تجاة زوجتة واولادة
المشكلة بتحصل لما الرجل يكون معتقد ان نمط “سي السيد” هو دة الرجل المثالي والزوجة تساعدة علي الفكرة دي
سبب اساسي من تسلط الرجل انه لقي زوجة يمكن التسلط عليها
عاوز تكون رجل افضل وحياتك الزوجية تكون اكثر نجاح
1- فرغ وقت للاسرة :
انت اكيد مشغول بسبب مشاكل الحياة اليومية وعندك التزامات كتير ولكن اسرتك مالهاش ذنب في انك تكون كل شوية في الشغل وان وقتك كلها وانت مشغول
2- قدر تعبها ومجهودها :
قدر التعب الي هي بتتعبه علشانك وفي البيت لو في اطفال كمان بيكون التعب والمجهود زيادة ومضاعف
3- عبر عن حبك :
اتكلم كلام رومنسي كتير في البيت وقول لها كلام حقيقي عن اد اية هي كانت سبب في حياتك تكون بالشكل الجميل قول كلمة “بحبك” بشكل واضح وبتكرار
4- ساعدها في البيت :
في ظل المشاكل اليومية والمشاغل بتعتك زوجتك بتكون متوقعة منك كل فترة انك يوم اجازتك او في وقت تعبها انك تقوم بشغل البيت وتشيل عنها المهام بتعتها
5- احترمها :
احترم افكارها ورأيها واهتمامتها وثقافتها حتي لو انت معترض عليها احترم كل ماهي بتحترمة لانها مطلوب منها تحترم وتقدر كل معتقداتك طبيعي انت تكون بتحترم كل رغباتها وافكارها
6- اتعب لها :
اتعب في البيت اتعب واتحرك واقضي لها مشوار هي نفسها تروحة “فسحها” بمعني اخر
7- تحملها في غضبها :
تحمل زوجتك في وقت غضبها ووقت حزنها لانها في الوقت دة بتكون هي محتاجة تشوف منك العطف والحنيه تحكم في نفسك شوية وتحملها قليلا لله
8- كن مصدر الامان :
خليك انت مصدر امان ليها وقدم لها وكن سرها
المرأة هتقدم لك روحها وعمرها لانها تحبك
بلاش تدي اوامر كتير لانها زيك بالظبط انسانه وترفض ان حد كل شوية يديها اوامر حبها بجد وقدم لها الهداية وخليك صادق معاها هتكون هي كمان معاك اكثر صدق
ببساطة احتوي شريكة حياتك تكون اكثر سعادة
